Celebración do día da Ciencia no IES Universidade Laboral

Durante toda a xornada do luns 27 celebramos no IES Universidade Laboral o Día da Ciencia.
Os departamentos de Tecnoloxía, Ciencias Naturais, Debuxo, Matemáticas e Electromecánica presentaron proxectos, obradoiros e charlas relacionadas con temas moi diversos.
O alumnado de primeiro e segundo da ESO puido iniciarse na robótica, ver o funcionamento e aplicacións dos drons, coñecer e realizar esculturas Tensegrity, coñecer os fundamentos dun ciclo frigorífico, determinar o seu grupo sanguíneo, identificar virus, bacterias e parásitos, ver co microscopio distintos tipos de tecidos, demostrar o teorema de Pitágoras, observar como as pompas de xabón saben matemáticas, aplicar o deseño 3D para representar distintos edificios da cidade, ver maquetas de tráfico creadas por alumnado e ata una radio, tamén de elaboración propia... Todo isto explicado por estudantes de cursos superiores.
En definitiva, un día cheo de ciencia, aprendizaxe, entretemento e diversión.