Visita de exalumna e alta executiva

Seguindo cos actos do 50 aniversario e no mes adicado á igualdade, o luns 24 un grupo de alumnos do centro puido desfrutar dunha interesante e emotiva charla-coloquio con Marta Rey Babarro, antiga alumna da Laboral e á que acompañaban seus pais, tamén exprofesores da Laboral.
Marta é licenciada en Ciencias da Información, Publicidades e Relacións Públicas e ten unha ampla e importantísima traxectoria profesional en EEUU. Experta en Human Computer Interaction (HCI) , traballou desenvolvendo importantes proxectos en empresas como Bankinter, IBM, Microsoft e Google, onde estivo 10 anos. Actualmente é Vicepresidenta de Zillow, empresa do sector inmobiliario.
As súas experiencias e anécdotas ademais de espertar un gran interese entre o alumnado, foron do máis enriquecedor.
Moitas grazas Marta.