Coñecendo o Ourense Medieval

O alumnado de 2º da ESO percorreu o Casco Vello da cidade de Ourense seguindo as pegadas do Ourense Medieval. O percorrido comezou na Porta da Aira, a única da que aínda se conservan restos, e rematou no moderno edificio do concello. Ademais de achegarse ao trazado ds cidade medieval tiveron tempo tamén para entender como era o abastecemento da cidade e mesmo para adentrarse no salón de plenos municipal.